FANDOM


Lyoko

Lyoko.

Lyoko es un mond virtual creat per Franz Hopper, lo paire ďAelita. Los enemics ďaquel mond son XANA e los sieus monstres.

Lyoko es format de 5 sectors:

Lo sector del gèl (1) Edit

Es un sector plen ďicebèrgs e de gèl amb de tors e de monstres. Es un sector ont s’i patina fòrça per fauta de las placas de gèl. En fasent onor al sieu nom, aquel sector es fred, gelat e amb un fons nocturn. Fendasclas sul sòl gelat e suls plans nauts pòdon causar un tremoladís. Integrat per de grandas e finas trajectòrias de glacièrs cobèrts per una capa prima de nèu, aquel sector a qualques superfícias lisas coma quin airal que siá de gèl cobèrt sus la Tèrra. Fòrça de las tors dins aquel sector s’amagan fòrça plan, e son sovent accessiblas solament a travèrs de tunèls, çò que significa que cal practicament far surf per ľinterior ďaqueles tunèls. Dins los tunèls, las estalactitas e las estalagmitas someton una menaça a velocitats fòrça nautas. En una escasença, lo grop a agut lo besonh de traversar de laberints per trobar las tors. Ľaiga simulada existís dins aquel sector, e coma ľaiga reala, se pòt traversar en nadant (sus o jos ľaiga, coma faguèt Odd) dins qualques luòcs, mas aperten pas a la Mar digitala, doncas se la tòcan los personatges demòran pas desvirtualizats per totjorn. Aquel sector foguèt suprimit per Aelita dins ľepisòdi 61 (Sabotatge), mas foguèt rebastit per Jeremie. Lo Kolòs i apareis solament dins aquel sector, dins la sason 4.

Sector del desèrt (2) Edit

Es un sector plen de sable, de monstres e de tors. XANA a la capacitat de crear de tempèstas de sable dins aquel sector, vist solament en una escasença, dins ľepisòdi 4 (Jornal de bòrd). Pòt tanben far de tremoladises que fan que los plans se trinquen. De mai, dins ľepisòdi 11 (La plaga), XANA inclinèt un plan a un cuic de nonanta gras. Aelita, Odd, e Ulrich èran sul plan e aurián queigut sus la Mar digitala se Aelita aguès pas emplegat lo sieu poder per los salvar en creant un nòu plan. Los crancs pòdon traversar los plans facilament mercés a lors pautas ponchudas. Dins ľepisòdi 2 (Veire per creire) se descobriguèt un oasi dins aquel sector qu’èra vertadièrament fals. Aquel sector foguèt suprimit per Aelita dins ľepisòdi 58 (Lo pretendent), mas es tanben rebastit per Jeremie.

Sector del bòsc (3) Edit

Es un sector grand, plen ďarbres, a qualques tors e es totjorn plen de monstres. Aquel sector a un climat temperat e umid. Dins aquel ambient crepuscular, lo mistèri regna; se pòt dire qu’aquel es lo sector mai polit de Lyoko. Los arbres, flotaires a mièja nautor, daissan a la vista lors raïses sus grandas estendudas de pastura, e la lutz del Solelh traspassa entre lors troncs barrats. Dins la sason 1 aquel sector semblava coma se foguèsse lo ser, mas dempuèi la segonda fins a la quatrena sason sembla coma se foguèsse lo jorn. Aquel sector foguèt suprimit per Aelita dins ľepisòdi 54 (Lyoko mens un), mas es tanben rebastit per Jeremie. Foguèt lo primièr sector ont s’i virtualizèron Aelita, Franz Hopper, Odd e Ulrich.

Sector de las montanhas (4) Edit

Es un sector plen de ròcas e de nívols, Yumi aprofècha las ròcas per las i lançar als monstres amb la siá telequinèsi. Per los sieus pics escarpats e las siás grandas pèiras, quin movement que siá en fals pòt condusir a la Mar digitala. Las montanhas son plenas de plataformas mobilas e obstacles malaisits, çò que significa que pòt èsser complicat i emplegar los veïculs, e se sap que pòt i aver ďautras plataformas jol “banc de bruma”, en enfosquissent la Mar digitala dins qualques airals. Aqueles nívols fan malaisit apuntar suls plans mai basses. S’un dels personatges cai dempuèi ďuna nautor sufisenta, sens importar s’i atèrra o pas, se pèrdon exactament vint ponches de vida per ľimpacte. Es un luòc amb ponts fòrça estreches entre pèiras e ròcas. Los traslats son aicí perilhoses. I existís pas vegetacion, solament pichons arbres e grandas pèiras que pòdon èsser fòrça perilhosas per los nòstres eròis. Aquel sector foguèt suprimit per Aelita dins ľepisòdi 64 (Un problèma doble), mas es tanben rebastit per Jeremie.

Sector 5 Edit

Es lo sector mai grand de Lyoko, es format de la copòla celestiala, lo nuclèu e mai salas. Es plen ďarratèras e de monstres especiales que se pòdon pas trobar dins los autres sectors.

Aquel sector es situat al mitan dels autres quatre. Es ľunic sector de Lyoko ont i a una sola tor (doas a comptar de Còdi Lyoko: Evolucion). Los eròis van fins al limit dels territòris per tal que Jeremie introdusisca lo senhal SCIPIO e aparesca ľesfèra de transpòrt que los transpòrta fins a la plaça del còr del sector 5. Dempuèi aicí, pòdon alavetz accedir al nucli, qu’es ľaccès dirècte a totes los programas de Lyoko. Un còp dins la copòla celestiala, Aelita pòt alavetz accedir a la memòria de XANA per una pantalha. Lo sector 5 es format ďuna esfèra blava giganta. Sus la superfícia exteriora de ľesfèra i a unas barrièras cobèrtas amb las images del còdi binari similars a las que se veson dins las tors. Ľesfèra que i a al centre del sector es lo còrs principal del sector 5. Quatre canals de donadas alimentan los quatre primièrs sectors dempuèi ponches equidistants sus la siá superfícia. Tot lo sector 5 es blau e geometric. Dins aquel sector, la Mar digitala es substituida per una barrièra de donadas similaras a çò que se vei dins las tors, mas tombar sus ela sembla èsser tan dolent coma tombar sus la Mar digitala. Après que se desabilita lo sistèma de seguretat, un camin cap a defòra del laberint s’òbri. Aiçò condusís a un elevador multidireccional. Quita jamai de se mòure, doncas un saut mesurat amb fòrça suènh es necessari en i pujar. Ľelevador se mòu en pistas a ľentorn de la superfícia extèrna de ľesfèra. Se detendrà brèvament per permetre que los sieus passatgièrs desembarquen. S’artura brèvament totjorn en lo meteis ponch qu’una autra plataforma que condusís a la superfícia extèrna del sector 5. Sus la superfícia i a una interfàcia especiala que permet ľaccès complet al superordinator e qui que siá de las siás donadas; aiçò es, segon çò que sembla, la basa de donadas de XANA (fins a la fin de la sason 2). Dins la sason 4, los Guerrièrs de Lyoko an de besonh pas mai desabilitar lo sistèma de seguretat per ne sortir (a causa de la reconstruccion de Lyoko). Pòdon tanben se virtualizar dirèctament dins lo sector 5.

Dins ďaquel sector i a qualques monstres unics, coma las flaçadas volairas (que mai tard sòrton a autres sectors) e los vèrms, existís tanben la flaçada negra de William-XANA (diferenciada de las autras per la siá color negra alloc de blava coma las flaçadas normalas).

Aquel sector foguèt suprimit per William dins ľepisòdi 65 (Lo darrièr combat), mas es rebastit per Jeremie. I a una unica tor dins lo sector 5, solament vista dins ľepisòdi 49 (Franz Hopper) e dins ľepisòdi 87 (Ľodissèa espaciala ďOdd), dins la replica del cinquen sector. Dins lo primièr episòdi de Còdi Lyoko: Evolucion, lo 96 en total (XANA 2.0), apareis una segonda tor dins aquel sector.

Replicas Edit

Las replicas son còpias identicas dels sectors de Lyoko que se tròban dins la Mar digitala. Se crèan quand XANA contròtla un superordinator. Cada replica a solament un sector. Se son vistes solament quatre dels sectors copiats. Dins ľepisòdi 92 (Sudor freda), XANA amassa tota la siá energia per crear un monstre gigant nomenat “lo Kolòs”. Aquelas son las replicas:

Sector de la replica Luòc sus la Tèrra (superordinator) Personatge(s) que la destruisson Episòdis ont i apareis
Bòsc Seuva Amazonica (America del Sud) Odd
  • 71 (Lo primièr viatge) (esfèra exteriora)
  • 73 (Replica)
  • 78 (Lo laboratòri)
  • 79 (Drech de presumir)
Desèrt Nòu Mexic (America del Nòrd) Ulrich
  • 81 (Manca de bona volontat)
  • 83 (Malastre)
Sector 5 Estacion Espaciala Internacionala (espaci exterior) Odd i Yumi
  • 87 (Ľodissèa espaciala ďOdd)
Gèl Siberia (Asia) Un programa
  • 92 (Sudor freda)
  • 93 (Retorn sus la Tèrra)
Montanhas Centrala idraulica de Canadà (America del Nòrd) Yumi Cap, sonque dins lo videojòc.
Volcan Lo còr ďun volcan Aelita i Odd Cap, sonque dins lo videojòc.

Cortex Edit

Cortex

Cortex.

Lo Cortex es una nòva replica de Còdi Lyoko: Evolucion creada pel professor Tyron. Lo sòl ďaquel territòri se compausa de pèças que son connectats ľuna a ľautra. Aquel sòl càmbia. La rusca a de tors de comunicacions en trabalhant constantament per XANA. Se compausa de tuèus e a ľentorn ďeles i a una pichona replica. Pr’amor que lo sòl càmbia, Jeremie crèa lo Megapod, un veïcul per poder se mòure sul Cortex.

Apareis pel primièr còp dins ľepisòdi 97 (Cortex).

Galeriá Edit


Luòcs principals de Còdi Lyoko
LyokoKadicFabricaErmitaMar digitalaReplicasCortex

Community content is available under CC-BY-SA unless otherwise noted.