FANDOM


Fabrica

La fabrica.

La fabrica es un de tres luòcs mai importants en la sèria, doncas que conten lo superordinator qu’al sieu torn conten Lyoko. Dins la fabrica se tròba ľequipa emplegada per accedir e se comunicar amb Lyoko. Consistís en quatre nivèls: ľestança de la fabrica, lo laboratòri, la cambra ďescanèrs, e la cambra del superordinator. Los darrièrs tres nivèls son totes protegits per las grandas pòrtas, electro-magneticament sageradas per seguretat. La fabrica es separada pel riu Sèina; s’i pòt accedir solament pel pont o amb una barca, pr’amor qu’es sus una isla. I a una sortida dels ensems dels toats que desboca sul pont.

Estança de la fabrica Edit

Ľestança de la fabrica consistís en tres nivèls. Los primièrs dos son jonches per un espaci dubèrt e ample conegut coma “correder de catedrala”, ont s’i localiza ľascensor. Près de la part posteriora del correder de la catedrala i a las salas de maquinas, que se plaçan una sus ľautra. I a una sala de comandament près de la cambra superiora de las maquinas.

Amb ľascensor, se pòt anar als nivèls mai basses. Malgrat que sembla èsser una ascensor normala, s’es aumentada amb divèrsas caracteristicas de seguretat que protegisson ľequipa avançada del laboratòri. Ľascensor a unas pòrtas de seguretat que condusisson als divèrses nivèls mai basses. Amagat dins ľinterruptor que la fa foncionar i a un clavièr numeric, qu’òbri las pòrtas de seguretat. Se pòt veire que Jeremie pica lo còdi “59656”. Es tanben ligat al superordinator del laboratòri, en permetent que siá contarotlat a distància. I a un escalièr dins ľais de ľascensor disponibla se ľascensor pòt pas èsser utilizada. Los clavièrs numerics de resèrva son situats a ľexterior de cada pòrta de seguretat. Se pòt tanben blocar la pòrta. O fa solament Jeremie dins ľepisòdi 73 (Replica) dempuèi lo superordinator.

Laboratòri del superordinator Edit

Aquel airal es jos ľestança de la fabrica. Al centre de la cambra i a ľolomapa, un projector circular qu’exibís una representacion tridimensional de Lyoko o del sector 5, e dins la sason 4, tanben de la Mar digitala, en dependent de la localizacion dels Guerrièrs de Lyoko. I a tanben una interfàcia que porg ľaccès al superordinator. Ľinterfàcia es connectada a una pista al tet, en permetent que ľutilizaire la faga virar a quin ponch que siá a ľentorn de ľolomapa. I a una cadièra connectada a una pista similara a ľestança perque ľutilizaire i pòsca sèire. I a una trapa a ľestança près de ľascensor permet ľaccès dins la cambra.

Sala dels escanèrs Edit

Aquel airal se situa jol laboratòri. Dins ela i a los tres escanèrs que porgon ľaccès a Lyoko. Son plaçats en formant un triangle. Al centre de la cambra i a una trapa que porg ľaccès dins la cambra del superordinator. Se pòt emplegar un torn per davalar a ľestança de jos. D’acòrdi amb la nautor dels personatges comparats als escanèrs, sembla qu’a aspècte de tres mètres de nautor e près ďun mètre ďamplada. Son capables de situar un objècte e portar una version digitala de ľobjècte sus Lyoko, e desfar aquel procès per los portar sus la Tèrra. Una ret de grands tuèus es connectada amb lo costat e la cobrís de cada escanèr per facilitar aquel efièch.

Localizacion Edit

La fabrica se trobava dins 48° 49′ N 2° 13′ E mas foguèt desrocada a fins del 2004. Ľisla ont s’i trobava a barrat ľaccès e s’i pòt solament accedir dempuèi los ensems dels toats. Ľisla se nomena Seguin.

Galeriá Edit


Luòcs principals de Còdi Lyoko
LyokoKadicFabricaErmitaMar digitalaReplicasCortex
Community content is available under CC-BY-SA unless otherwise noted.