Code Lyoko Wiki
Register
Advertisement

Aelita es la guardiana de Lyoko e la filha del sieu creador, Franz Hopper. Al principi, Yumi la presentèt als sieus parents coma Aelita Lyoko, e es coneguda coma Aelita Stones dins Kadic (e nomenada princessa mai que mai per Odd). Es la principala protagonista de la sèria, pr’amor que ľistòria se desvolòpa al sieu environ. Es francesa, mas pòrta documentacion canadiana falsa (a nom ďAelita Stones, nom amb qué es coneguda dins Kadic) facha per Jeremie quand la materializa dins lo mond real. Es enamorada de Jeremie. Un trach que parteja amb el es qu’es tanben fòrça intelligent, mas descobriguèron après qu’èra umana e que ľintelligéncia es siá.

Aviá 13 ans abans de demorar barrada dins Lyoko e pèrdre los sieus remembres. A los pels de color ròsa e los uèlhs verdes. Dins Lyoko, li caliá èsser constantament protegida, pr’amor que se perdiá totes los sieus ponches desapareis, e mai se en la tresena sason pòt se desvirtualizar normalament pr’amor que recupèra la siá memòria umana. Quand la se tròban supausan qu’es una intelligéncia artificiala, mas descobrisson après que nasquèt sus la Tèrra e es filha de Franz Hopper, mas la siá memòria foguèt esborrada per XANA, per fortuna, Franz Hopper los ajuda a la recuperar. Lo sieu nom real es Aelita Schaeffer.

Es la mai vulnerable, non solament per lo sieu ligam a Lyoko, mas tanben per pas èsser acostumada a luchar e a se defendre. Es una dròlla infantila e doça, e fòrça simpatica, e mai se pòt de còps arribar (malgrat la siá intelligéncia) a èsser ingènua e fòrça còps, insensada. En comptadas escasenças, aquela insensatesa ľa portada a se veire expausada al perilh que XANA li ocasiona, e mai se se n’avisa pas. Aima Jeremie fòrça.

Detalhs coma Guerrièra de Lyoko[]

  • Aparència: Sus la Tèrra vestís en general amb un vestit e de bòtas nautas, gaireben totjorn de ròsa. De pijama pòrta una camisa de dormir ròsa long amb una A roja e de michons blancs en los sieus primièrs episòdis sus la Tèrra, e descauça après. Emplega un vestit de banh entièr blau clar. Sus Lyoko pòrta un vestit blanc-verdós e ròsa basada en lo vestit ďun gripet (probablament amb la siá relacion amb lo sieu pipòt “Lo senhor Pück”), que cambièt après contra malhas ajustadas de color ròsa e argent, ambedoas formes ďaspècte similar. Sus la siá aurelha esquèrra pòrta un pendent roge redond (dins la primièra sason a la part de naut de ľaurelha, e dins la rèsta de la sèria en penjant del lòbe).
  • Arma a Lyoko: Dins la tresena sason, Aelita obten la capacitat de crear de camps ďenergia que pòt lançar amb las siás mans contra los enemics. A de mai un tecnic ďescut mejançant jónher amb las mans doas bòlas ďenergia, e lo camp ďenergia, version aumentada de la bòla. Dins ľepisòdi 70 (Skidbladnir) lancèt una version encara mai potenta que lo camp ďenergia, que la daissèt agotada, per destruir William-XANA. Segon çò que sembla, las bòlas ďenergia tròp granda li agotan la siá pròpria energia.
  • Poder a Lyoko: Sintetizacion. Aquel poder li permet manipular ľentorn de Lyoko solament limitat per la siá creativitat: crear o destruir de terrens, arbres, ròcas… Pòt tanben crear de clòns virtuals (ďuna forma semblabla a la ďUlrich, mas aqueles clòns son pas capables de luchar e la s’es vist solament crear un clòn a ľencòp) qu’usa per destruir los Guardians e distraire los enemics. Pòt, de mai, operar sus la Tèrra ďuna manièra similara a XANA, mas amb fòrça mens efectivitat. Aqueles poders ľagotan fòrça e los pòt solament emplegar unes paucs còps, e mai se dins ľepisòdi 32 (Lo jorn de Sant Valentí), quand es controtlada per XANA, utiliza la sintetizacion tres còps.
  • Abiletat: Aelita pòt desactivar de tors e trabalhar dempuèi las terminalas de la copòla celestial del sector 5. A despart ďaiçò, a ľabiletat de realizar de sauts incresiblement nautes, sustot per salvar ďobstacles, traversar las salas del sector 5 e se desplaçar entre las plataformas del sector de las montanhas, coma se vei dins ľepisòdi 23 (S’enfonsar).
  • Ponches vitales: 100.
  • Veïcul: Aelita usa quinsevolhe dels tres veïculs disponibles, en usant mai los ďOdd e de Yumi. Dins la quatrena sason usa ďalas integradas al sieu vestit, cortesiá de Jeremie, que ditz que son ďangel.

Biografia[]

La vida ďaquela dròlla es fòrça complèxa.

Nasquèt dins un luòc del nòrd, benlèu Escandinàvia o las zònas del nòrd de França, aperaquí lo 1981. Visquèt ailà dins un ostal de montanha amb la siá maire, Anthea, e lo sieu paire, Franz Hopper. Als quatre ans, pendent lo Nadal, Anthea li regalèt un pipòt amb forma ďelf al que nomenèt “Lo senhor Pück”. Unes jorns après, un tot terren apareguèt al bòrd de ľostal, e en esquivant la nèu, s’emportèron la siá maire.

En essent Aelita fòrça pichona, Franz se mudèt amb ela dins un ostal de França situada près de ľacademia Kadic, nomenat “ĽErmita”. Franz comencèt a trabalhar coma professor de ľacademia, e Aelita i cresquèt ailà fins als 13 ans. Lo 6 de junh del 1994, quand ela aviá 13 ans, Franz Hopper la virtualizèt sus Lyoko per escapar dels òmes de negre. XANA obtenguèt consciéncia pròpria, e per evitar las siás estrossejas, Franz decidir apagar lo superordenador.

Dètz ans après, un estudiant de ľacademia Kadic nomenat Jeremie Belpois decidís dobrir lo superordenador. E en aquel moment coneis Aelita, e se fan de grands amics.

Après luchas pendent près de dos ans contra XANA, Jeremie, Aelita, e tres amics mai, Odd, Yumi e Ulrich, foguèron prèste de recuperar Franz Hopper de Lyoko. Malgrat aiçò, poguèren pas. Destruiguèron alavetz XANA, e amorcèron lo superordenador.

Personatge[]

Aelita es una mainada doça e de còps insensada. Aiçò darrièr la pòrta en escasenças a s’expausar a se meteissa al perilh, o a XANA, mas amb la siá sintetizacion o la siá intelligéncia, sòl aténher escapar.

Es intelligent, e li agrada estudiar e partejar las seradas amb Jeremie davant ľordenador. A tanben una granda aficion a la musica tecno, la que tòca amb una taula de mescles en divèrses concèrts al cors de la sèria.

Aelita es fòrça coriosa, e pèrd pas cap de oportunitat de cercar de donadas sul sieu paire, quitament pas dins la mai perilhosa situacion, tal coma a demostrat en fòrça escasenças al cors de la sèria. Es tanben fòrça valenta, e mai se de còps pas o demòstra. Una causa es clara: fariá qué que siá per salvar los sieus amics e los sieus parents.

Papièr dins Còdi Lyoko[]

Aelita representa un papièr fòrça important dins la sèria. Dels cinc personatges mai principals, es probablament la protagonista de la trama, pr’amor que ľistòria ronda mai o mens entorn a ela, sustot a comptar de la siá materializacion, quand recupèra part de la siá memòria.

Tanben las investigacions que la còla realiza a la colleccion de libres an una relacion dirècta amb ela.

Lo sieu paire foguèt lo creador de Lyoko, e ela aviá una de las claus del mond. De mai, fòrça mistèris se tròban mai al sieu environ, coma la desaparicion de la siá maire, o la contunha persecucion dels òmes de negre.

Dins ľacademia Kadic, es una de las dròllas mai intelligentas (possiblament la mai escarrabilhada), e a fòrça admiradors.

Sus Lyoko es la mai flaca, e al principi a pas ni ďarmas ni de proteccion. Aiçò se vei equilibrat amb èsser ľunica guerrièra capabla de desactivar de tors e neutralizar los atacs de XANA. Dins la quatrena sason cruba fòrça mai resisténcia contra los atacs, malgrat qu’es tanben ajudada per las siás alas amb las qu’escapa dels enemics. Totun, es totjorn la primièra a quèir sus las arpas de William-XANA.

Desvolopament[]

Pendent la sason 1, Aelita agís coma se foguèsse de vertat un programa ďordenador, e exprimís pas fòrça abitualament los sieus sentiments. Quand se materializa lo sieu comportament es parièr, e la siá ròba se sembla fòrça a la que pòrta sus Lyoko: jupa escura, giqueta ròsa e camiseta jauna per jos, e s’aprècia la color verda dels sieus uèlhs.

Al començament de la sason 2, e ďaicí fins a la fin de la sason 3, Aelita a una personalitat fòrça mai apropriada per una persona umana, e la siá ròba patís un cambiament radical sus la Tèrra. A tanben qualques cambiaments pichons sus Lyoko, coma lo coriós detalh del pendent de la siá aurelha, que càmbia de posicion entre la sason 1 e la rèsta.

En descobrir qu’Aelita s’agís pas ďun simple programa ďordenador, la siá personalitat càmbia radicalament, e parla coma una dròlla de tretze ans normala.

Dins la sason 4, la ròba de la dròlla càmbia, coma la dels autres personatges principals. Lo sieu nòu vestit a una aparència un pauc arcaïca, que li dona gravetat e un aspècte mai adult. Tend tanben a se charpar mai sovent, e exprimís ja los sieus sentiments amb tota libertat, pas semblabla en res a ľAelita virtuala que coneguèrem dins lo primièr episòdi.

Galariá[]


Personatges de Còdi Lyoko
Jeremie BelpoisAelitaYumi IshiyamaOdd Della RobbiaUlrich SternWilliam DunbarXANAKiwiMai…
Advertisement